ನಾರಿಯ ಸೀರೆ ಕದ್ದ ಬೆಡಗಿ ನಿಕಿತಾ ತುಕ್ರಲ್‌ಗೆ ಕಂಕಣಭಾಗ್ಯ

ದಕ್ಷಿಣ ಚಿತ್ರರಂಗದ ತಾರೆ ನಿಕಿತಾಗೆ ಈಗಾಗಲೆ ದರ್ಶನ್ ಜತೆ ಮದುವೆಯಾಗಿದೆ ಎಂಬ ಗಾಳಿಸುದ್ದಿ ಕೆಲದಿನಗಳ ಹಿಂದೆ ಗಾಂಧಿನಗರದಲ್ಲಿ ಸ್ಫೋಟಗೊಂಡಿತ್ತು. ಅಯ್ಯೋ ಇದೆಲ್ಲಾ ಯಾರೋ ಮಾಡಿದ ಕಿತಾಪತಿ ಎಂದು ದರ್ಶನ್ ಹೇಳಿ ಕೈತೊಳೆದುಕೊಂಡಿದ್ದರು. ಈಗ ಸ್ವತಃ ನಿಕಿತಾ ಅವರೇ ತಮ್ಮ ಮದುವೆ ಬಗ್ಗೆ ಮಾತನಾಡಿದ್ದಾರೆ. 

ಇತ್ತೀಚೆಗೆ ನಡೆದ'ಗನ್' ಚಿತ್ರದ ಪೂರ್ವಭಾವಿ ಪ್ರದರ್ಶನದಲ್ಲಿ ಅದೂ ಇದೂ ಮಾತನಾಡುತ್ತಾ ತಮ್ಮ ಮದುವೆ ಯಾವಾಗ ಎಂಬ ಪತ್ರಕರ್ತರ ಪ್ರಶ್ನೆಗೆ ನಿಕಿತಾ ಪುಳಕಗೊಂಡಿದ್ದರು. ಇನ್ನು ತಡ ಮಾಡಿ ಪ್ರಯೋಜನವಿಲ್ಲ. ಈ ವರ್ಷವೇ ಮದುವೆ ಆಗಬೇಕೆಂದು ನಿರ್ಧರಿಸಿರುವುದಾಗಿ ನಿಕಿತಾ ಖಚಿತ ಉತ್ತರ ನೀಡಿದ್ದಾರೆ. ನಿಕಿತಾ ಅವರ ತಂದೆ ದಿಢೀರ್ ಅಂತ ಕಣ್ಮುಚ್ಚಿದ ಕಾರಣ ಮದುವೆ ಮುಂದೂಡಲಾಗಿತ್ತಂತೆ.
ಇನ್ನೂ ಸೂಕ್ತ ವರ ಸಿಕ್ಕಿಲ್ಲವಂತೆ. ಈ ವರ್ಷ ಹೇಗಾದರೂ ಮಾಡಿ ತನ್ನ ರಾಜಕುಮಾರನನ್ನು ಹುಡುಕುವುದಾಗಿ ನಿಕಿತಾ ತಿಳಿಸಿದ್ದಾರೆ. ಇನ್ನೂ ಸೂಕ್ತ ವರ ಸಿಕ್ಕಿಲ್ಲವಂತೆ. ಈ ವರ್ಷ ಹೇಗಾದರೂ ಮಾಡಿ ತನ್ನ ರಾಜಕುಮಾರನನ್ನು ಹುಡುಕುವುದಾಗಿ ನಿಕಿತಾ ತಿಳಿಸಿದ್ದಾರೆ. ಅಂದಹಾಗೆ ದರ್ಶನ್ ಜತೆ ನಿಕಿತಾ ಮೂರು ಚಿತ್ರಗಳಲ್ಲಿ ಅಭಿನಯಿಸಿದ್ದಾರೆ. ಅವು ಯೋಧ, ಪ್ರಿನ್ಸ್, ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ. ಯೋಧ ಹೊರತುಪಡಿಸಿದರೆ ಇನ್ನೆರಡು ಚಿತ್ರಗಳು ನಿರ್ಮಾಣ ಹಂತದಲ್ಲಿವೆ